Yaz-yay fəslində ürək-damar xəstəliklərdən əziyyət çəkənlərin günəş altında qalması, eləcə də isti havada çox vaxt keçirməsi tövsiyə olunmur.
Modern.az xəbər verir ki, bunu Səhiyyə Nazirliyinin mütəxəssis-eksperti, kardioloq İlqar Tahiroğlu "Ürək-damar xəstəlikləri və COVID-19" mövzusunda çıxışında deyib.
İ.Tahiroğlunun sözlərinə görə, bu cür xəstələr fəsildən asılı olmayaraq, daim həkim nəzarətində olmalıdırlar:
“Həmin xəstələr yaz aylarında mümkün olduğu qədər isti hava altında qalmamalı, çoxlu maye qəbul etməlidirlər. Həkim tərəfindən müəyyən edilmiş dərmanları vaxtı-vaxtında içməlidirlər. Soyuq aylarda isə damarlarda spazm yaranır. Bu da meydana gələcək infarkt riskini artırmış olur. Stendi olan şəxslərdə isə vəziyyət daha təhlükəli olur".
Həkim qeyd edib ki, ürək-damar xəstələri COVID-19 virusu ilə bağlı risk qrupuna daxildirlər:
"Xüsusilə şəkərli diabet, ürək çatışmazlığı xəstələrindən də yan keçmir. Aretmiya pozğunluğu olanlar bundan əziyyət çəkə bilər. Həmin şəxslər daha diqqətli olmalıdır”.
