Bolqarıstan Prezidenti Rumen Radev karantinə alınıb.
Modern.az xarici KİV-lərə istinadən xəbər verir ki, bu barədə prezidentin mətbuat xidməti məlumat yayıb.
Bildirilib ki, buna səbəb Bolqarıstan prezidentinin həyat yoldaşı Desislava Radevanın koronavirusa yoluxması olub.
Məlumatda qeyd olunur ki, Rumen Radevin özünün koronavirus testi mənfi nəticələnib. Bununla belə, o, yaxın günlərdə planlaşdırılan görüşlərini təxirə salıb.
