“Məlumdur ki, burada əsas müzakirə Qubad İbadaoğlunun tərafdarları arasında gedir. Fraksiyada əsas partiyadan narazı qüvvələr toplaşacaq. Həm qarşı tərəf, həm bizim tərəf fraksiyanı hansı formada təşkil olunması yönündə fikirlər səsləndiririk”.
Bunu Modern.az saytına Müsavat başqanlığına keçmiş namizəd Tural Abbaslı deyib. O, özünün gündəmə gətirdiyi Müsavat Partiyasında fraksiya yaratmaq barədə işlərin aparılmasından danışarkən bildirib ki, bununla bağlı yeni sənədin hazırlanması gözlənilir. Tural Abbaslı söyləyib ki, dekabrın 3-də bununla bağlı iclas olacaq. Onun sözlərinə görə həmin vaxta qədər Qubad İbadoğlu fraksiya ilə bağlı ilkin sənəd üzərində işləyəcək.“Sənəddə fraksiyanın forması, strukturu, idarə forması, məqsədləri, hədəfləri, toplaşma qaydaları, səs vermə qaydaları və sair idarəçilik formaları əks olunacaq. Sənəd hər iki iki tərəfin iştirakı ilə müzakirə olunacaq. Müzakirələrdən sonra ilkin addımlar atılacaq. Biz çalışdıq ki, konkret sənəd üzərində işləyək.
Lakin Qubad İbadoğlunun tərəfində olan insanlar arasında bəzi fikir ayrılıqları var. Bu fraksiyanın yaranmasına təhlükə yarada bilər. Biz seçkinin metodundan narazı deyilik. Sadəcə idarəetmədən, başqanlıq metodundan narazıyıq. Bir fikirə gəlməyə çalışırıq. Əgər fraksiya yaransa, faydalı olacaq. Əgər bizim dedyimiz fraksiya yaranmasa, başqa formalar düşük. Partiyadaxili fikir azadlığı, sərbəstliyi üçün çalışırıq. Hələlik fraskiyanın yaranması üçün xüsusi problem yoxdur”,-deyə Tural Abbaslı bildirib.
Məltəm Talıbzadə
