Göyçay rayonunda gənc oğlan bədbəxt hadisə nəticəsində dünyasını dəyişib.
Modern.az APA-ya istinadən xəbər verir ki, Zaqatala rayon sakini, Göyçay Dövlət İdarəetmə və Texnologiya Kollecinin tələbəsi, 2001-ci il təvəllüdlü Soltanov Səxavət Nemət oğlu Göyçay şəhərində kirayə qaldığı mənzildə dəm qazından zəhərlənərək ölüb.
Onun meyiti Respublika Məhkəmə Tibbi Ekspertiza və Pataloji Anatomiya Birliyinin Göyçay rayon şöbəsinə aparılıb. Hazırda rayonun hüquq-mühafizə orqanlarının əməkdaşları hadisə yerindədir.
Faktla bağlı Göyçay rayon Prokurorluğu tərəfindən araşdırma aparılır.
