Sabiq milli təhlükəsizlik naziri Eldar Mahmudovun ölüm xəbəri yayılıb.
Modern.az xəbər verir ki, bu barədə ilk məlumatı e-huquq.az saytı yayıb.
Bildirilir ki, keçmiş nazir ötən axşam ürək çatışmazlığından dünyasını dəyişib.
Xəbər qısa müddətdə sosial şəbəkələrdə tirajlanıb və geniş rezonansa səbəb olub.
Amma bir qədər sonra eks-nazirin ölüm xəbəri inkar edilib. Belə ki, sabiq nazirin ailə vəkili Cavid Rzazadə Gununsesi.info-ya açıqlamasında xəbəri təkzib edib: “Boş söhbətdir. Eldar Mahmudova heç nə olmayıb”.
67 yaşlı E.Mahmudov 2004-2015-ci illərdə milli təhlükəsizlik naziri vəzifəsində işləyib.
