Bu gün saat 19 radələrində Sabunçu yol qovşağının yaxınlığında sərnişin avtobusunun iştirakı ilə qəza qeydə alınıb.
Bakı Nəqliyyat Agentliyinin (BNA) mətbuat katibi Mais Ağayevin Modern.az-a verdiyi məlumata görə, qəzaya düşən “Vətən.az” MMC-nin müvəqqəti istismarında olan 166 nömrəli müntəzəm marşrut xətti üzrə hərəkət edən 10 TG 010 dövlət qeydiyyat nişanlı avtobusdur:
"Hadisə zamanı sərnişin avtobusu kommunal xidmət avtomobili ilə toqquşub. Qəza nəticəsində 3 nəfər xəsarət alıb. Hadisə ilə bağlı Bakı Nəqliyyat Agentliyində araşdırma aparılır. “Vətən.az” MMC-dən məsul şəxs Sənan Səlimov Agentliyə çağırılıb".
BNA rəsmisinin sözlərinə görə, hadisə ilə əlaqədar ictimaiyyətə əlavə məlumat veriləcək.
