Neftçala sakinini elektrik cərəyanı vuraraq öldürüb.
Modern.az “Report”a istinadən xəbər verir ki, hadisə bu gün axşam saatlarında Neftçala şəhərində qeydə alınıb.
İlkin məlumata görə, şəhər sakini, 1973-cü iltəvəllüdlü Məmmədova Pərvanə Cəbrayıl qızı yaşadığı ünvanda iş görərkən, işlək vəziyyətdə olan su mühərrikindəki elektrik cərəyanı onu vurub.
Qadın hadisə yerində dünyasını dəyişib. Meyit müayinə olunmaq üçün məhkəmə-tibbi ekspertizaya göndərilib.
Qeyd edək ki, P.Məmmədova Neftçala Rayon Mərkəzi Xəstəxanasında tibb bacısı işləyirmiş.
Faktla bağlı araşdırma aparılır.
