Bakıda qayınata kürəkəni tərəfindən qətlə yetirilib.
Modern.az-ın məlumatına görə, hadisə paytaxtın Ramana qəsəbəsindəki Şuşa şəhərciyində qeydə alınıb.
Həmin şəhərcikdə yaşayan, 1978-ci il təvəllüdlü Qabil Qəmbərov çoxsaylı bıçaq zərbələri ilə qətlə yetirilib.
Məlumata görə, Q.Qəmbərov qızının əri, 1987-ci il təvəllüdlü Taleh Heydərov tərəfindən öldürülüb.
Hadisəni törədən şəxs dərhal ərazidən qaçıb.
Hazırda onun tutularaq istintaqa təhvil verilməsi istiqamətində əməliyyat-axtarış tədbirləri davam etdirilir.
Faktla bağlı Suraxanı rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb.
