Ötən gün paytaxtın Nəsimi rayonunda mənzillərdən birində baş verən yanğın zamanı bir nəfər vətəndaş tüstüdən zəhərlənərək evdə huşsuz halda qalıb.
Daxili İşlər Nazirliyindən (DİN) Modern.az-a verilən məlumata görə, köməksiz vəziyyətdə qalan vətəndaşı xilas etmək üçün Nəsimi RPİ-nin əməkdaşı polis serjantı Elnur Əhmədov həyatını təhlükə altına atıb.
Polis vətəndaşı xilas etmək üçün yanğın baş verən mənzilə daxil olub və vətəndaşın həyatı xilas edilb. Zərərçəkən daha sonra hadisə yerində olan təcili yardım stansiyasının həkimlərinə təhvil verilib.
