Bu gün Şabran rayonunda ağır yol-nəqliyyat hadisəsi baş verib.
Modern.az xəbər verir ki, hadisə Gəndob-Yalama yolunun Gəndob kəndi ərazisindən keçən hissəsində qeydə alınıb.
“VAZ 2107” və “VAZ 2106” markalı nəqliyyat vasitələrinin toqquşması nəticəsində 3 nəfər həyatını itirib.
Ölənlərdən ikisi ər-arvad olublar. Onlar Xaçmaz şəhərində yaşayıblar. Digər avtomobildə olan sürücü isə Şabran rayon sakinidir. Ağır qəza zamanı həmin şəxs hadisə yerində keçinib.
Hazırda faktla bağlı araşdırma aparılır. Ölənlərin kimliyi dəqiqləşdirilir.
Elmar Hüseynov
