Oğuzda 3 nəfər oğlan 16 yaşlı qızı qaçırıb.
Modern.az xəbər verir ki, onların Oğuz rayonuna gedərək yeniyetmə qızı məcburi şəkildə avtomobilə mindirərək ərazidən uzaqlaşdığı müəyyən olunub.
Qızı qaçırmaqda şübhəli bilinən şəxslər - Şəmkir sakini - Hüseyn Məhərrəmov, Samir Quliyev və Yaqub Musayev tutulub.
DİN-in Mətbuat Xidmətinin Şəki regional qrupunun baş inspektoru, polis baş leytenantı Mahir Məsimov məsələ ilə bağlı bildirib ki, qızı qaçırmaqda şübhəli bilinən 3 nəfər saxlanılıb.
Faktla bağlı Cinayət Məcəlləsinin 144-cü (Adam oğurluğu) maddəsi ilə cinayət işi başlanılıb, istintaq aparılır.
