Ötən gün 3 maşın aşıb.
Bu barədə Modern.az-a Daxili İşlər Nazirliyindən (DİN) bildirilib.
Belə ki, oktyabrın 18-də saat 14 radələrində Cəlilabad rayonunun Təzəkənd kəndi ərazisində rayon sakinləri Murad Salayev idarə etdiyi “VAZ-21074” və H.Salazadə idarə etdiyi “VAZ-2106” markalı avtomobilləri aşırıblar. Nəticədə M.Salayev hadisə yerində ölüb, digər sürücü və 2 sərnişin xəstəxanaya yerləşdiriliblər.
Analoji hal elə həmin gün saat 20 radələrində Hacıqabul rayonunun Abdulabad kəndi ərazisində qeydə alınıb. Belə ki, rayon sakini Əlizamin Ağayev idarə etdiyi “VAZ-21060” markalı avtomobili kanala aşırıb. Nəticədə sürücü hadisə yerində ölüb, sərnişini olan oğlu isə xəstəxanaya yerləşdirilib.
Qeyd edilən faktlarla bağlı araşdırmalar aparılır.
