Qardağ rayonunda yerləşən ticarət mərkəzində (“Sədərək”) quldurluq əməli törətməkdə şübhəli bilinən şəxs polis əməkdaşlarının keçirdiyi əməliyyat-axtarış tədbirləri nəticəsində saxlanılıb.
Bu barədə Modern.az-a Daxili İşlər Nazirliyindən (DİN) bildirilib.
Quldurluq əməlini törətməkdə şübhəli bilinən şəxs - 1991-ci il təvəllüdlü Elnur Əmənov saxlanılaraq istintaqa təhvil verilib.
Qeyd edək ki, bir neçə gün əvvəl şəxsiyyəti istintaqa məlum olmayan şəxs Sədərək Ticarət Mərkəzində sahibkar Şakir Ağayevin başına dəmir alətlə xəsarət yetirib. O, mağazadan 30 min manat pul götürərək qaçıb.
