Keçmiş Laçın alayının komandiri, ehtiyatda olan polkovnik Arif Paşa 1992-ci ilin aprel-mayında Şuşa-Laçın-Qubadlı-Zəngilan ərazilərində briqada komandiri və hərbi komendant olmuş, Müdafiə Nazirliyi Əməliyyat Baş İdarəsinin sabiq rəisi, hazırda ehtiyatda olan general-mayor Elbrus Orucovun jurnalist Eynulla Fətullayevə müsahibəsində səsləndirdiyi bəzi ziddiyyətli məqamlara cavab verib.
Modern.az-ın məlumatına gör, Arif Paşa bildirib ki, o zaman ərazinin qorunmasına cavabdeh məhz Elbrus Orucov olub.
“Mən Müdafiə Nazirliyinin 30 aprel 0151 saylı əmri ilə hərbi hissə komandirliyindən kənarlaşdırılmışdım, hərbi hissə də ləğv edilmişdi...
Elbrus Orucov Şuşa-Laçın-Qubadlı-Zəngilan rayonlarının məsul komendantı və həmin istiqamət üzrə komandir təyin edilmişdi”.
Arif Paşanın sözlərinə görə, o zaman Şuşa-Laçın-Qubadlı bölgəsində geri çəkilmək əmrini Elbrus Orucov vermişdi:
“Bu qədər sadə! Yerdə qalan məsələlər təfsilatdı.... Bunlar məhkəmədə də sübut edilib. Mən öz sözümün məsuliyyətini dərk edən adamam!”, A.Paşa vurğulayıb.
