Xocavənd rayonu ərazisində sursat partlayışı nəticəsində bir nəfər ölüb.
DİN-in Mətbuat xidmətindən Modern.az-a bildirilib ki, hadisə bu gün rayonun Ağburun qəsəbəsi ərazisində baş verib. Ərazidə heyvan otaran 1971-ci il təvəllüdlü Elşən Hümbətov yerdən partlayıcı sursat tapıb. Həmin sursat E.Hümbətovun əlində partlayıb.
Hadisə nəticəsində E.Hümbətov yerindəcə dünyasını dəyişib.
Hüquq-mühafizə orqanları əməkdaşları hadisə yerindədir. Faktla bağlı araşdırma aparılır.
