Kamçatkanın Avaça körfəzində 5,0 bal gücündə zəlzələ baş verib, Petropavlovsk-Kamçatskidə 2-3 bal gücündə təkanlar hiss edilib.
Modern.az-ın xəbərinə görə, bu barədə Kamçatka diyarı üzrə Rusiya Fövqəladə Hallar Nazirliyinin Baş İdarəsinin mətbuat xidməti məlumat yayıb.
Bildirilib ki, zəlzələnin episentri Petropavlovsk-Kamçatski şəhər dairəsindən 74 kilometr cənubda, Avaça körfəzi sularında yerləşib.
İlkin məlumata görə, zəlzələ nəticəsində ölən və dağıntı qeydə alınmayıb. Sunami təhlükəsi elan edilməyib.
