Qobustan rayonunda elektrik naqilinin qırılması mal-qaranın tələfatına səbəb olub.
Modern.az xəbər verir ki, hadisə rayonun Ərəbqədim kəndində baş verib.
Məlumata görə, qırılaraq yerə düşən elektrik naqilinə toxunan kənd sakinlərinə məxsus 10 baş iribuynuzlu mal-qara tələf olub.
Sakinlərə ümumilikdə 25 min manatdan çox ziyan dəydiyi bildirilir. Faktla bağlı araşdırma aparılır.
