Zaqatalada Gürcüstana məxsus yük maşını aşıb.
Modern.az-ın xəbərinə görə, hadisə bu gün səhər saatlarında Yevlax-Zaqatala-Gürcüstan sərhəd-magistral yolunun Zaqatala rayonunun Qazangül qəsəbəsi ərazisindən keçən hissəsində baş verib.
Gürcüstan vətəndaşının idarə etdiyi minik avtomobillərini daşıyan yük maşını hərəkətdə olarkən idarəetmədən çıxaraq yolun kənarındakı dirəyə dəyib. Qəzadan sonra yük maşınının qoşqusu aşıb.
Qoşquda olan minik avtomobilləri zədələnib. Qəza zamanı xəsarət alan olmayıb. Faktla bağlı araşdırma aparılır.