Lənkəranda yanğının baş verdiyi “Panorama” hotelinin bu gün açılışı planlaşdırılmışdı.
Modern.az AZƏRTAC-a istinadən xəbər verir ki, iki mərtəbəli, ümumi sahəsi 650 kvadratmetr olan hotel binasının mansar hissəsi tamamilə yanıb.
Hadisə yerinə cəlb olunan FHN-nin Lənkəran Dövlət Yanğından Mühafizə Hissəsinin texnika və canlı qüvvəsi hesabına yağın 14:26-da tam söndürülüb.
Hotelin birinci mərtəbəsi, həyətdə olan kotteclər və yardımçı tikililər yanğından qorunub.
Yanğının səbəbi araşdırılır.
***
14:22
Lənkəran rayonunun Göyşaban kəndi ərazisində yerləşən “Panorama” hotelindədə baş vermiş yanğın söndürülüb.
Bu barədə Modern.az-a Fövqəladə Hallar Nazirliyinin (FHN) Mətbuat Xidmətindən məlumat verilib.
Bildirilib ki, yanğın zamanı xəsarət alan olmayıb.
***
Lənkəranda hoteldə güclü yanğın başlayıb.
Modern.az xəbər verir ki, hadisə Lənkəran rayonunun Göyşaban kəndi ərazisində yerləşən “Ponarama” hoteldə baş verib.
Yanğının söndürülməsi üçün hadisə yerinə FHN-in yanğından mühafizə hissəsinin texnikası və canlı qüvvəsi cəlb olunub.
