Bakının Binəqədi rayonu, 9-cu mikrorayon ərazisində yol qəzası baş verib.
Modern.az xəbər verir ki, hadisə nəticəsində 1 nəfər ölüb, 3 nəfər xəsarət alıb.
Belə ki, Heydər məscidinin qarşısında Salyan rayon sakini Saidov Müslüm Elşən oğlu idarə etdiyi "Kio-Rio" markalı avtomobilin idarəetməsini itirərək məscidin hasarına vurub.
Nəticədə avtomobildə olan sərnişin Hətəmov Ədalət Elçin oğlu hadisə yerində ölüb. Sürücü və digər sərnişinlər - Şirəliyev Xan İlqar oğlu və Mehdizadə Nihad Ziyadxan oğlu müxtəlif dərəcəli bədən xəsarətləri alıblar. Onlar Kliniki Tibbi Mərkəzə yerləşdiriliblər.
Faktla bağlı araşdırma aparılır.
