TƏBİB Yasamalda tonqala düşən şəxslərin son durumunu açıqlayıb.
Qurumdan Modern.az-a bildirilib ki, Respublika Təcili və Təxirəsalınmaz Tibbi Yardım Mərkəzinə 12.03.2024-cü il tarixində saat 20:22-də Nizami rayonu, İ.Məmmədov 17 ünvanından və 20:51-də Yasamal rayonu, Şərifzadə küçəsi ünvanından tonqalda xəsarət alma ilə bağlı 2 müraciət daxil olub.
Hadisə yerinə dərhal təcili tibbi yardım briqadası göndərilib. Xəsarət alan 4 yaşlı (kişi cinsli) azyaşlı hər iki qolun termiki yanığı, 17 yaşlı (kişi cinsli) şəxs isə hər iki əlin termiki yanığı diaqnozu ilə Nərimanov Tibb Mərkəzinin nəzdindəki Yanıq Mərkəzinə hospitalizasiya olunub.
***
10:21
Yel çərşənbəsində Yasamal rayonunda bədbəxt hadisə baş verib.
Modern.az-ın məlumatına görə, tonqaldan tullanan yeniyetmələr toqquşub və ocağa yıxılıblar.
Bu barədə görüntülər sosial şəbəkələrdə paylaşılıb.
Sözügedən görüntüləri təqdim edirik:
