Lerikdə istirahət mərkəzlərinin birində 11 nəfər zəhərlənib.
Modern.az-ın məlumatına görə, zəhərlənənlərdən 6-sı azyaşlıdır.
Bakı şəhər sakinləri olan həmin şəxslər Lənkəran Rayon Mərkəzi Xəstəxanasına çatdırılıb. Xəstəxanadan verilən məlumata görə, onlar 3 ailənin üzvləridir. İlkin ehtimala görə, zəhərlənən şəxslər özləri ilə gətirdikləri ərzaqdan zəhərləniblər. Onlara ilkin tibbi yardım göstərilib.
Zəhərlənənlərin vəziyyəti ilə bağlı Lerik Rayon Mərkəzi Xəstəxanasının baş həkimi Maqsud Ağayev Modern.az-a açıqlama verib.
Baş həkim bildirib ki, zəhərlənən şəxslər Lerikə yox, Lənkəran şəhər Mərkəzi xəstəxanasına aparılıb:
“Xəstələr qonaqdırlar. Birbaşa Lənkəran Rayon Mərkəzi Xəstəxanasına müraciət ediblər. İstirahət mərkəzi Lənkarana daha yaxın olduğu üçün ora müraciət ediblər. Lənkəranla əlaqə saxlamışam bir problem yoxdur. Vəziyyətləri yaxşıdır, aralarında ağır xəstə yoxdur. Hələki xəstəxanadadırlar, yəqin ki, yardım edib, ambulator müalicəyə buraxılacaqlar”.
Zəhərlənən şəxslərin adlarını təqdim edirik:
1992 – ci il təvəllüdlü Nihat Elman oğlu Xəlilzadə
1991 – ci il təvəllüdlü Firuzə Polad qızı Xəlilzadə
2018 – ci il təvəllüdlü Elman Nihat oğlu Xəlilzadə
2014 – cü il təvəllüdlü Mədinə Nihat qızı Xəlilzadə
1993 – cü il təvəllüdlü Arzu Ələskər qızı Hənifəyeva
1990 – cı il təvəllüdlü Səbinə Canbulaq qızı Hənifəyeva
2020 – cı il təvəllüdlü Milay Cavid qızı Hənifəyeva
2016 – cı il təvəllüdlü Elnur Cavid oğlu Hənifəyev
1987 – ci il təvəllüdlü Cavid Canbulaq oğlu Hənifəyev
2012 – ci il təvəllüdlü Könül Elçin qızı Cənnətalıyeva
2018 – ci il təvəllüdlü Yusif Elçin oğlu Cənnətalıyevə.