Ağdaşda çayda çimərkən boğulan Rəhman Əliyev Azərbaycan II liqa təmsilçilərindən “Ağdaş” klubunun rəhbəridir.
Modern.az xəbər verir ki, R.Əliyev evli və 3 uşaq atası olub.
Çayda boğulan digər şəxs isə Rəhman Əliyevin dayısı oğludur.
***
09:18
Ağdaş şəhər sakinləri çayda çimərkən boğulub.
Modern.az xəbər verir ki, şəhər sakini 1988-ci il təvəllüdlü Ağazadə Fərid Ağa oğlu rayonun Dəhnəxəlil kəndi ərazisində çayda çimərkən boğulub.
Onu sudan çıxarmaq məqsədilə çaya düşən dayısı oğlu, 1990-cı il təvəllüdlü Əliyev Rəhman Cəfər oğlu da çayda boğularaq ölüb.
Hər iki şəxsin meyiti səhər saatlarında sudan çıxarılaraq aidiyyəti üzrə təhvil verilib.
