İlan sancması səbəbilə 2 ay əvvəl Ağstafa rayonundan Kliniki Tibbi Mərkəzin Təcili və Təxirəsalınmaz Tibbi Yardım şöbəsinə hospitalizasiya olunan pasiyentin körpəsi elə KTM-də dünyaya gəlib.
Modern.az xəbər verir ki, bu barədə KTM məlumat yayıb.
Oktyabrın 31-də Ağstafa rayonundan KTM-in doğum şöbəsinə gətirilən qadın fəsadlaşmış analıq anamnezi ilə Ginekoloji Patologiya şöbəsinə qəbul olunub.
Qadın daxil olduğu gündən noyabrın 6-sı tarixinə qədər müvafiq müayinələrdən keçib və stasionar şəkildə müalicələr alıb.
Ötən gün ananın və dölün perinatal mühafizəsi məqsədilə tibbi göstərişlərə əsasən, keysəriyə kəsiyi əməliyyatı icra olunub. Çəkisi 3 kq, boyu 51 sm olan oğlan uşağı dünyaya gəlib.
Hazırda ananın və körpənin vəziyyəti kafidir.
