"Güclü Gürcüstan" koalisiyasının liderlərindən biri - "Vətəndaşlar" partiyasından olan Aleko Elisaşvili ötən gecə saxlanılıb.
Modern.az xəbər verir ki, Daxili İşlər Nazirliyinin məlumatına görə, Aleko Elisaşvili Gürcüstan Azərbaycanlıları Milli Konqresinin rəhbəri Əli Babayevə hücumda ittiham olunur.
Bu ittiham Cinayət Məcəlləsinin 156-cı maddəsinin ikinci hissəsində tövsif olunub: - “zor tətbiq etməklə və ya zorakılıq tətbiq etməklə təqib etmə”.
Əli Babayev jurnalistlərə deyib ki, Elisaşvili onu şifahi və fiziki olaraq təhqir edib.
Hadisə dekabrın 2-də Filarmoniyanın ərazisində baş verib. Babayev bildirib ki, Elisaşvili onu vurub, zərbədən yıxılıb və huşunu itirib. Onun sözlərinə görə, hadisə Kostava küçəsində aptekə girərkən baş verib. Babayev həkimlərə müraciət etməyə məcbur olduğunu iddia edib. O, münaqişənin mahiyyətinin nədən ibarət olduğunu açıqlamayıb.
