1986-ci il təvəllüdlü şəxs (kişi cinsli) 26.12.2024-cü il tarixində saat 22:10 radələrində Sumqayıt Tibb Mərkəzinin Təcili Yardım Xəstəxanasına hospitalizasiya olunub.
Bu barədə Modern.az-ın sorğusuna cavab olaraq TƏBİB-dən bildirilib.
Döş qəfəsinin sol yarısının ön səthinin kəsilmiş-deşilmiş yarası, sol mil-bilək oynağının kəsilmiş yarası diaqnozu təyin edilən şəxsə zəruri tibbi yardım göstərilib. Müalicəsi Cərrahiyyə şöbəsində davam etdirilir, vəziyyəti stabildir.
***
08:41
Sumqayıtda ata oğlunu bıçaqlayıb.
Modern.az APA-ya istinadən xəbər verir ki, hadisə Hacı Zeynalabdin qəsəbəsində qeydə alınıb.
1957-ci il təvəllüdlü Sərdar Xanbaba oğlu Muradov aralarında baş vermiş münaqişə zəminində oğlu, 1986-cı il təvəllüdlü Şahmar Sərdar oğlu Muradova bıçaqla xəsarət yetirib.
Yaralı dərhal xəstəxanaya çatdırılıb.
Faktla bağlı araşdırma aparılır.
