Ağsu rayon Hacıqədirli kənd sakini 1994-cü il təvəllüdlü Fariz Ağabala oğlu Bəyalıyev həmkəndlisi, 1996-cı il təvəllüdlü Amil Bədəlov tərəfindən bıçaqlanıb.
Xəsarət alan şəxs kəsilmiş-deşilmiş bədən xəsarəti ilə rayon mərkəzi xəstəxanasına çatdırılıb.
Mövzu ilə bağlı Modern.az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) bildirilib ki,1994-cü il təvəllüdlü şəxs (kişi cinsli) 07.01.2025-ci il tarixində saat 05:40 radələrində Ağsu Rayon Mərkəzi Xəstəxanasına hospitalizasiya olunub.
Verilən məlumata görə, şəxs döş qəfəsinin sağ tərəfinin döş boşluğuna nüfuz edən kəsilmiş, deşilmiş yarası diaqnozu ilə pasiyent əməliyyat blokuna alınıb.
Hazırda Cərrahiyyə şöbəsində müalicəsi davam etdirilir, vəziyyəti orta ağırdır.
