Bakı Şəhər Dövlət Yol Polisi İdarəsi (BDYPİ) Bakıda baş verən avtobus qəzası ilə bağlı məlumat yayıb.
Modern.az-ın məlumatına görə, İdarədən bildirilib ki, hadisə yanvarın 8-i saat 10:00-da Bakı şəhəri, Yasamal rayonu, Həsən bəy Zərdabi küçəsində baş verib.
"77-JK-251 dövlət nömrə nişanlı 29 nömrəli marşrut avtobusu idarəetməni itirərək işıq dirəyinə çırpılıb. Nəticədə işıq dirəyi aşıb və iki nəqliyyat vasitəsi zərər görüb", - deyə məlumatda qeyd olunub.
***
11:15
Bakıda sərnişin avtobusu qəza törədib.
Modern.az-ın məlumatına görə, görüntülər sosial şəbəkələrdə yayılıb.
29 nömrəli avtobus "20 Yanvar" ərazisində işıq dirəyinə çırpılıb.
Hadisə nəticəsində xəsarət alanlar barədə hələlik məlumat yoxdur.
