Gəncədə it dişləməsi ilə bağlı yeni detallar məlum olub.
TƏBİB-dən Modern.az-ın sorğusuna cavab olaraq bildirilib ki, 21.01.2025-ci il tarixində saat 11:00 radələrində 1947-ci il təvəllüdlü (kişi cinsli) şəxs it dişləmə diaqnozu səbəbilə Gəncə Şəhər Birləşmiş Xəstəxanasının nəzdində olan Akademik Z.Məmmədov adına xəstəxananın Təcili tibbi yardım şöbəsinə hospitalizasiya olunub:
"Zəruri tibbi yardım göstərilən şəxs daha ixtisaslı tibbi xidmət almaq üçün Abbas Səhhət adına xəstəxanaya təxliyə olunub. Hazırda müalicəsi davam etdirilir, vəziyyəti orta ağırdır".
***
11:56
Gəncədə yaşlı kişi sahibsiz itlərin hücümuna məruz qalıb.
Modern.az-ın məlumatına görə, şəhər sakini 1947-ci il təvəllüdlü Z.Abbasov şəhər ərazisində olan zaman sahibsiz itlər hücum edib. Yaşlı kişi xəstəxanaya yerləşdirilib, vəziyyətinin orta ağır olduğu bildirilir.
Faktla bağlı araşdırma aparılır.
