Zəhərlənənlər Göyçay Dövlət İdarəçilik və Texnologiyalar kollecinin tələbələridirlər.
Bu barədə Modern.az-a Kollecdən məlumat verilib.
"Adi keçən tələbələr bu gün imtahanlarda olub. Onların səhhərində heç bir problem yoxdur", - açıqlamada deyilir.
***
11:07
21 yanvar 2025-ci il saat 13:00 radələrində 4 nəfər zəhərlənmə şübhəsi ilə Göyçay Rayon Mərkəzi Xəstəxanasının Təcili Tibbi Yardım şöbəsinə hospitalizasiya edilib.
Bu barədə Modern.az-ın sorğusuna cavab olaraq TƏBİB-dən məlumat verilib.
Aparılan müayinələr nəticəsində onlara dəqiqləşdirilməmiş qastrit diaqnozu təyin edilib. Zəruri tibbi yardım göstərildikdən sonra pasiyentlər ambulator müalicə üçün evə buraxılıb.
***
10:32
Göyçay rayonunda 5 tələbə qız zəhərlənib.
Modern.az "Report"a istinadən məlumat verir ki, onların mağazadan aldıqları tort və evdə hazırladıqları salatdan zəhərləndiyi ehtimal olunur.
Belə ki, müxtəlif rayonların sakinləri olan və bir evdə qalan tələbə qızlar zəhərlənmə diaqnozu ilə Göyçay Rayon Mərkəzi Xəstəxanasına müraciət ediblər.
Faktla bağlı araşdırma aparılır.
