Neftçala rayonlarında ağır xəsarətlə nəticələnən yol-nəqliyyat hadisəsi baş verib.
1990-cı il təvəllüdlü Abdullayev Nicat Şəmsəddin oğlu idarə etdiyi motosikletlə hərəkətdə olarkən avtomobillə toqquşub.
Hadisə zamanı ağır xəsarətlər alan motosikletin sürücüsü təcili tibbi yardımın köməkliyi ilə Bakıda yerləşən xəstəxanaların birinə gətirilib.
Hadisə ilə bağlı Modern.az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) bildirilib ki, 22.01.2025-ci il saat 18:00 radələrində Neftçala rayonunda baş verən yol-nəqliyyat hadisəsi səbəbilə xəsarət alan 1990-cı il təvəllüdlü şəxs (kişi cinsli) Neftçala Rayon Mərkəzi Xəstəxanasına hospitalizasiya olunub.
Qeyd edilib ki, ona açıq kəllə-beyin travması, sağ almacıq sümüyünün orbitə keçən sümük sınığı, kəllənin dərialtı pnevmotizasiyası diaqnozu təyin edilib. Xəstəyə ilkin zəruri tibbi xidmətlər göstərildikdən sonra 23.01.2025-ci il tarixində saat 10:00 radələrində Respublika Neyrocərrahiyyə Xəstəxanasına təxliyə olunub. Xəsarət alan şəxsin müalicəsi Respublika Neyrocərrahiyyə Xəstəxanasının Neyrotravma şöbəsində davam etdirilir, vəziyyəti stabildir.
