Klassik Xalq Cəbhəsi Partiyasının sədri Mirmahmud Mirəlioğlu bu yaxınlarda cərrahiyyə əməliyyatına məruz qalıb.
Bu barədə Modern.az-a yazar Elman Eldaroğlu məlumat verib. O bildirib ki, Mirmahmud bəy hazırda ev şəraitində müalicəsini davam etdirir.
E.Eldaroğlu partiya sədrinin sosial şəbəkədə görünməməyinə də aydınlıq gətirib:
"Ağanı evində ziyarət etdik. Məlum oldu ki, onun feysbuk səhifəsi ötən ilin noyabr ayının 9-dan hansısa nəməlum səbəblərə görə bağlanıb. Hətta mütəxəsislər çalışsa da, səhifəni bərpa etmək mümkün olmayıb və artıq 3 aya yaxındır ki, sosial şəbəkədə heç bir status paylaşa bilmir. Qəribədir, nədənsə sosial platformalarda bu haqda heç bir xəbər getməyib ki, insanlar məlumatlansınlar...
Mirmahmud Mirəlioğludan ayrılarkən hamıya salam söyləməyimizi xahiş etdi. Mirmahmud ağaya can sağlığı, tezliklə əhval-ruhiyyəsinin bərpasını arzulayırıq".
A.Qorxmaz
