2024-cü ildə 1471 nəfər (ümumi zərərçəkənlərin 6,6 faizi) məişət zorakılığı ilə bağlı cinayətlər nəticəsində zərərçəkən olub.

Bu barədə Modern.az-ın Dövlət Statistika Komitəsindən əldə etdiyi məlumatda bildirilib.

Həmin cinayətlər nəticəsində zərərçəkənlərin sayı əvvəlki ilin göstəricisinə nisbətən 2,8 faiz azalıb ki, onların da 83,5 faizini qadınlar, 1,2 faizini isə yetkinlik yaşına çatmayanlar təşkil edib.

Əvvəlki illə müqayisədə bu cinayətlər nəticəsində ölənlərin sayı 33,8 faiz azalaraq 49 nəfər (onlardan 29-u qadınlar) olub. 

Rəsmi statistikaya görə, ötən il ərzində qadınlara qarşı törədilmiş cinayətlərin sayı 0,7 faiz azalıb, yetkinlik yaşına çatmayanlara qarşı törədilmiş cinayətlərin sayı isə 5,3 faiz artıb. 

Cinayət törətmiş şəxslərin arasında qadınların xüsusi çəkisi 5,5 faiz, 14-17 yaşda olan uşaqların xüsusi çəkisi isə 2,1 faiz təşkil edib. 2023-cü illə müqayisədə cinayət törətmiş qadınların sayı 4,9 faiz, 14-17 yaşda olan uşaqların sayı isə 4,5 faiz azalıb. 

2024-cü ildə zorlama və ya zorlamaya cəhdlə bağlı 14 fakt qeydə alınıb. Bu da əvvəlki illə müqayisədə (2023-cü ildə 19 fakt) 73,7 faiz deməkdir.