18.02.2025-ci il tarixində yol-nəqliyyat hadisəsi səbəbilə xəsarət alan 2 nəfər (qadın cinsli) İsmayıllı Rayon Mərkəzi Xəstəxanasına hospitalizasiya olunub.
Bu barədə Modern.az-ın sorğusuna cavab olaraq TƏBİB-dən məlumat verilib.
Hər iki şəxsə müxtəlif nahiyələrin yumşaq toxumalarının əziyi diaqnozu təyin edilib. Zəruri tibbi xidmətlər göstərildikdən sonra onlar ambulator müalicə üçün evə buraxılıb.
***
13:41
Ötən gün müəllimlərin xəsarət alması ilə nəticələnən yol-nəqliyyat hadisəsinin bir sıra detalları məlum olub.
Modern.az-ın məlumatına görə, İsmayıllı rayon 6 saylı tam orta məktəbin direktoru Qalib Bəşirovun idarə etdiyi "Ford" markalı avtomobil dumana görə idarəetməni itirib və səkiyə çırpılıb.
Hadisə nəticəsində həmin məktəbin 2 müəlliminin xəsarət aldığı bildirilir.
Rəşid Qarayev
***
13:23
Ötən gün günorta saatlarında İsmayıllı-Muğanlı yolunda avtomobil qəzası baş verib.
Modern.az-ın məlumatına görə, güclü duman qəzaya səbəb olub.
Məlumata görə, qəzaya düşənlər İsmayıllı rayonundan olan müəllimlər olub. Onlar Bakıda keçirilən tədbirə qatılmaq üçün yola düşüblər.
Məktəb direktorunun idarə etdiyi avtomobilin qəzaya uğraması nəticəsində xəsarət alanlar olub.
