Balakən rayonunda iki avtomobilin toqquşması nəticəsində sərnişin 2001-ci il təvəllüdlü Mirəliyeva Esmira Araz qızı xəsarət alıb. Yaralı təcili tibbi yardımın köməkliyi ilə rayon mərkəzi xəstəxanasına çatdırılıb.
Lakin vəziyyəti ağır olduğundan Bakıda yerləşən xəstəxanalardan birinə gətirilib.
Modern.az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) bildirilib ki, 05.03.2025-ci il tarixində saat 09:30 radələrində Balakən rayonunda baş verən yol-nəqliyyat hadisəsi səbəbilə xəsarət alan 2001-ci il təvəllüdlü (qadın cinsli) şəxs təcili tibbi yardım avtomobili vasitəsilə Balakən Rayon Mərkəzi Xəstəxanasına hospitalizasiya olunub:
“Ona 12-ci döş fəqərəsinin qapalı qəlpəli sınığı diaqnozu təyin edilib. Xəsarət alan şəxsə zəruri tibbi yardım göstərildikdən sonra daha ixtisaslı tibbi xidmətin göstərilməsi üçün Respublika Neyrocərrahiyyə Xəstəxanasına təxliyə olunub.
Hazırda Neyrocərrahiyyə Xəstəxanasının Neyrotravma şöbəsində müalicəsi davam etdirilən pasiyentin vəziyyəti orta ağır qiymətləndirilir”.
