Ötən ilin avqust ayında Mərdəkanda qətlə yetirilən Amin Xudaverdiyevin (Mərdəkanski) cinayət işi üzrə hökm çıxarılıb.

Modern.az-ın əldə etdiyi məlumata görə, cinayəti törətməkdə təqsirləndirilən Ruhulla Abdullazadə barədə 11 il müddətə azadlıqdan məhrum etmə cəzası təyin edilib.

İş materiallarından məlum olur ki, hadisənin kökündə uzun illər davam edən ailə mübahisəsi dayanıb. Təqsirləndirilən Ruhulla Abdullahzadənin ifadəsinə görə, mərhum Amin Məmmədovun qohumu vaxtilə onun atasını öldürüb. Abdullahzadə məhz bu səbəbdən qisas almaq qərarına gəlib.

Hadisədən öncə tərəflər arasında torpaq mübahisəsi də olub. Ruhulla Abdullahzadə atasından ona miras qalmış torpağı Amin Məmmədovun zorla satdırmaq istədiyini iddia edib. Hadisədən əvvəl R.Abdullahzadə mərhumu izləyib və onun Mərdəkan çimərliyində olduğunu müəyyənləşdirib. O, icarəyə götürdüyü "Hyundai Elantra" markalı avtomobillə hadisə yerinə gəlib və özü ilə gətirdiyi odlu silahı götürərək Məmmədova bir neçə dəfə atəş açıb.

Şahid ifadələrinə görə, qatil əvvəlcə qurbanı ilə heç bir söz demədən arxadan bir güllə atıb. Güllə Aminin başına dəyib və o yerə yıxılıb. Bundan sonra Abdullahzadə daha bir neçə dəfə də atəş açıb.

Məhkəmə iclasında R.Abdullahzadə özünü təqsirli bilib və cinayəti törətməkdə məqsədinin qisas almaq olduğunu bildirib:

"Mən atamın ölümünün intiqamını aldım. Aminin qohumu mənim atamı öldürüb, ailəmizin həyatını dağıdıb. Mənim qisas almaqdan başqa yolum yox idi. O, bizim torpağımızı da zorla ələ keçirməyə çalışırdı. Mən ona nə qədər xəbərdarlıq etsəm də, dayanmadı. Ona görə bu addımı atdım."

R.Abdullahzadə cinayəti törətdikdən sonra könüllü olaraq polisə təslim olub. O, məhkəmədə deyib ki, hadisədən sonra "102" xidmətinə zəng edərək törətdiyi əməli etiraf edib. Daha sonra polis əməkdaşları ilə görüş yerini razılaşdırıb və öz iradəsi ilə təhvil verilib.

Ruhulla Abdullahzadə Cinayət Məcəlləsinin 120.1-ci maddəsi (qəsdən adam öldürmə) ilə təqsirli bilinərək 11 il həbs edilib.