"Yol-nəqliyyat hadisəsi səbəbilə xəsarət alan üç nəfər saat 12:00-da Cəlilabad Rayon Mərkəzi Xəstəxanasının Təcili tibbi yardım şöbəsinə hospitalizasiya olunub".

Modern.az xəbər verir ki, bu barədə Tibbi Ərazi Bölmələrini İdarəetmə Birliyindən (TƏBİB) məlumat verilib.

Bildirilib ki, 1953-cü il təvəllüdlü (kişi cinsli) şəxsə sağ döş qəfəsinin küt travması, sağ diz oynağının sınıqları və çıxıqlar, sağ saidin və əlin arxa səthinin cırılmış yaraları, 1998-ci il təvəllüdlü (kişi cinsli) şəxsə sol bazunun küt travması, sıyrılmış yaraları diaqnozu təyin edilib.

"Hazırda hər iki şəxsin vəziyyəti qənaətbəxş olaraq qiymətləndirilir. Bir nəfərin xəstəxanaya qədər ölüm faktı qeydə alınıb", - deyə məlumatda bildirilib.

***

13:59

Cəlilabad rayonunda ölüm və xəsarətlə nəticələnən yol qəzası baş verib.

Modern.az xəbər verir ki, hadisə rayonun Uzuntəpə kəndi ərazisində qeydə alınıb.

Qəza nəticəsində sürücü Sabir Niftəliyev xəsarət alıb, avtomobildəki sərnişin Gülsüm Abdullayeva həlak olub.

Hadisənin səbəbləri ilə bağlı araşdırma aparılır.