Saatlıda arvadını boğmaqda təqsirləndirilən şəxs intihar edib.

Modern.az-ın məlumatına görə, hadisə rayonun Dəllər kəndində baş verib.

Belə ki, təqsirləndirilən şəxs 16 mart 2025-ci ildə saat 10 radələrində Saatlı rayonu Musalı kəndində yaşayan qayınatasına məxsus yaşayış evində arvadından onunla barışmasını və yaşadıqları evə qayıtmasını tələb edib. Bu zaman aralarında qısqançlıq zəminində yaranmış mübahisə nəticəsində dalaşaraq, hər iki əli ilə arvadının boğaz nahiyəsindən tutub yerə yıxıb. O, arvadına boğazını sıxmaqla sağlamlığana qəsdən yüngül zərər vuraraq xəsarət yetirib. Təxminən 1-2 dəqiqə sonra qayınanası otağa gəlib. Həmin anda o, arvadının boğazından əllərini çəkib. Sonra həyətə düşərək piyada öz evinə gedib. Bir qədər sonra isə polis əməkdaşlarının onu axtarmasını eşidib və kənddə polis əməkdaşları ilə görüşərkən bilib ki, barəsində şikayət edilib, sonra birlikdə polis şöbəsinə gedib.

Cinayət işi üzrə təqsirləndirilən şəxs məhkəmə hazırlıq iclasının gedişində həyatını itirib. Şəxs yaşadığı evin həyətində yerləşən hamam otağında özünü yandıraraq intihara cəhd edib. Hadisə nəticəsində ağır yanıq xəsarəti alıb, təcili yardım briqadası ona ilk tibbi yardım göstərib. O göndərişlə Yanıq Mərkəzinə göndərilib, daha sonra isə vəfat edib. Təqsirləndirilən şəxsin meyiti 13 aprel 2025-ci ildə məhkəmə-tibbi müyinədən keçirilib və meyit dəfn olunması üçün qohumlarına təhvil verilib.

Saatlı rayon Məhkəməsinin qərarı ilə təqsirləndirilən şəxs öldüyü üçün barəsində açılan cinayət işinə xitam verilib.