Goranboyda qayınanasını və arvadını öldürmək istəyən şəxs cinayət məsuliyyətindən azad edilib.

Modern.az-ın məlumatına görə, hadisə 2023-cü ildə rayonun Yeni Veyisli qəsəbəsində baş verib.

N.Yolçuyev həmin gün qayınanasının evinə zorla daxil olaraq orada yaşayn həyat yoldaşı P. Yolçuyevaya xüsusi amansızlıqla bir neçə bıçaq zərbəsi endirib. O, daha sonra qaynanası Siyatel Əliyevaya hücum edib və onu da bıçaqlayıb.

Məlumata görə, ər-arvad əmiuşağı olublar. Onlar 2022-ci ildə evləniblər. N.Yolçuyev həyat yoldaşının ona xəyanət etdiyini düşünüb və onu qısqanclıq zəmnində öldürmək istəyib. P. Yolçuyeva isə ərinin əqli problemlərinin olduğunu bidlirib.

N.Yolçuyev barəsində Cinayət Məcəlləsinin 29,120.2.7-ci (iki və ya daha çox şəxsi öldürməyə cəhd) maddəsi ilə ittiham elan edilib.

Məhkəmə hadisənin anlaqsız vəziyyətdə törədildiyinə qərar verib və N.Yolçuyev cinayət məsuliyyətindən azad edilib.

Ona ixtisaslaşdırılmış psixiatriya stasionarında intensiv müşahidə altında məcburi müalicə” tibbi xarakterli məcburi tədbir təyin edilib.

Elnur Əmirov