Bakı-Quba avtomobil yolunun Ceyranbatan qəsəbəsindən keçən hissəsində ağır yol-nəqliyyat hadisəsi baş verib.
Modern.az “Report”a istinadən xəbər verir ki, sözügedən ərazidə yük maşını Sumqayıt şəhəri Ceyranbatan qəsəbəsinə işləyən 9 nömrəli marşrut avtobusuna arxadan çırpılıb.
İlkin ehtimallara görə, hadisəyə səbəb yük maşınının təkərinin partlaması olub.
Hadisə nəticəsində avtobusda olan sərnişinlərdən iki nəfər yaralı Sumqayıt şəhər xəstəxanalarının birinə çatdırılıb.
Xəstəxanadan saytımıza açıqlamasında bildirilib ki, yaralıların vəziyyəti normaldır, lazımi tibbi müainələr göstərildikdən sonra evə buraxılacaqlar.
