Futbol üzrə Meksika millisinin baş məşqçisi Xerardo Martino istefa verib.
Modern.az xəbər verir ki, 60 yaşlı mütəxəssis Qətərdə keçirilən dünya çempionatında qrup mərhələsinin III turunda Səudiyyə Ərəbistanına 2:1 hesabı ilə qalib gəldikləri oyundan sonra istefa qərarını açıqlayıb.
Argentinalı baş məşqçi qrupda qaldıqlarına görə məsuliyyəti öz üzərinə götürdüyünü bildirib.
Qeyd edək ki, Meksika yığması C qrupunu Polşa ilə birlikdə 4 xalla başa vursa da, top fərqinə görə 1/8 finala yüksələ bilməyib.
Onu da bildirək ki, Xerardo Martino 2019-cu ildən Meksika millisində işləyib.
