Xorvatiya millisi dünya çempionatında 1/4 final mərhələsinə vəsiqə qazanıb.
Modern.az xəbər verir ki, Avropa təmsilçisi 1/8 finalda Yaponiyanı məğlub edərək, mərhələ adlayıb.
Gərgin keçən görüşün əsas vaxtı 1:1 hesabı ilə başa çatıb. Əlavə vaxtda qalib müəyyənləşmədiyindən penaltilər seriyası təyin olunub. Penaltilərdə daha dəqiq oynayan (4:1) Xorvatiya yığması adını növbəti mərhələyə yazdırıb.
***
20:14
Qətərdə keçirilən dünya çempionatında Yaponiya və Xorvatiya yığmaları arasında 1/8 final oyununda 2-ci qol vurulub.
Modern.az xəbər verir ki, 55-ci dəqiqədə Avropa təmsilçisindən İvan Perişiç tarazlığı bərpa edib.
***
19:48
Qətərdə keçirilən dünya çempionatında Yaponiya və Xorvatiya yığmaları arasında 1/8 final oyununda hesab açılıb.
Modern.az xəbər verir ki, 44-cü dəqiqədə Daydzen Maeda Asiya təmsilçisini önə keçirib.
***
19:03
Qətərdə keçirilən dünya çempionatında Yaponiya və Xorvatiya yığmaları arasında 1/8 final oyunu başlayıb.
Modern.az xəbər verir ki, qarşılaşma Bakı vaxtı ilə saat 19:00-da start götürüb.
***
Qətərdə keçirilən dünya çempionatının 1/8 final mərhələsində üz-üzə gələcək Yaponiya və Xorvatiya yığmalarının start heyətləri açıqlanıb.
Modern.az xəbər verir ki, komandalar meydana aşağıdakı heyətlərlə çıxacaqlar:
Yaponiya: 12. Şuiçi Qonda, 5. Yuto Naqatomo, 22. Maya Yoşida, 15. Daiçi Kamada, 16. Takehiro Tomiyasu, 3. Syoqo Taniquti, 6. Vataru Endo, 13. Hidamesa Morita, 8. Ritsu Doan, 14. Dzünyo İto, 25. Daydzen Maeda
Xorvatiya: 1. Dominik Livakoviç, 22. Yosip Yuranoviç, 3. Borna Barişiç, 6. Deyan Lovren, 20. Yosko Qvardiol, 11. Marselo Brozoviç, 10. Luka Modriç, 8. Mateo Kovaçiç, 4. İvan Perişiç, 9. Andrey Kramariç, 16. Bruno Petkovic
