Qətərdə keçirilən dünya çempionatında 1/8 final mərhələsinə yekun vurulub.
Modern.az xəbər verir ki, turun son oyununda Portuqaliya və İsveçrə yığmaları qarşılaşıb.
Bu görüşdə rəqibini 6:1 hesabı ilə darmadağın edən Portuqaliya təmsilçisi 1/4 finala vəsiqə qazanıb. Beləliklə, Portuqaliya millisi 1/4 finalda Mərakeş yığmasına rəqib olub.
Qeyd edək ki, komandaların görüşü dekabrın 10-da baş tutacaq.
***
Portuqaliya və İsveçrə yığmaları arasında 1/8 final oyununda hesab yenidən dəyişib.
Modern.az xəbər verir ki, 55-ci dəqiqədə Rafael Gerreyru komandasının 4-cü qolunu vurub. Cəmi 3 dəqiqə sonra İsveçrə futbolçusu Manuel Akanci buraxılan toplardan birinin əvəzini çıxıb.
Maraqlı anlarla yadda qalan görüşun 67-ci dəqiqəsində Portuqaliya yığması 5-ci dəfə rəqib komandanı meydanın mərkəzinə dəvət edib - 5:1
***
Portuqaliya və İsveçrə yığmaları arasında 1/8 final oyununda 3-cü qol vurulub.
Modern.az xəbər verir ki, 51-ci dəqiqədə Portuqaliya komandasından Qonsalu Ramuş növbəti dəfə fərqlənib - 3:0.
***
23:34
Portuqaliya və İsveçrə yığmaları arasında 1/8 final mərhələsinin oyununda hesab dəyişib.
Modern.az xəbər verir ki, matçın 33-cü dəqiqəsində Pepe Portuqaliyanın ikinci qoluna imza atıb.
***
Portuqaliya və İsveçrə yığmaları arasında 1/8 final mərhələsinin oyununda hesab açılıb.
Modern.az xəbər verir ki, 17-ci dəqiqədə fərqlənən Qonsalu Ramuş Portuqaliyanı hesabda önə keçirib.
***
Dünya çempionatında Portuqaliya və İsveçrə yığmaları arasında 1/8 final mərhələsinin oyunu başlayıb.
Modern.az xəbər verir ki, qarşılaşma Bakı vaxtı ilə saat 23:00-da start götürüb.
***
22:24
Dünya çempionatının 1/8 finalında üz-üzə gələcək Portuqaliya və İsveçrə yığmalarının start heyətləri açıqlanıb.
Modern.az xəbər verir ki, komandalar aşağıdakı tərkibdə oyuna çıxacaqlar:
Portuqaliya: Dioqu Koşta, Pepe, Dioqu Dalot, Ruben Diaş, Rafael Gerreyru, Vilyam Karvalyu, Bernardu Silva, Otavio Monteyro, Brunu Fernandeş, Qonsalu Ramuş, Joau Feliks
İsveçrə: Qreqor Kobel, Manuel Akanci, Fabian Şer, Rikardo Rodriges, Edimilson Fernandeş, Qranit Caka, Remo Froyler, Cerdan Şakiri, Cibril So, Brel Embolo, Ruben Varqas
