Formula 1 üzrə Azərbaycan Qran-Prisi ilk dəfə sprint yarışına ev sahibliyi edəcək.
Modern.az xəbər verir ki bunu Formula 1 Azərbaycan Qran-Prisinin mətbuat katibi Turab Teymurov deyib.
"Mövsümün ilk sprint yarışı Bakıda keçiriləcək" ,- o bildirib.
T.Teymurov vurğulayıb ki, Formula 1 yarışını işıqlandıracaq yerli media nümayəndələrinin akkreditasiyası prosesi bu gündən başlanır: "Bu gündən yerli media nümayəndələrinin akkreditasiyasına başlanır. Proses 9 gün çəkəcək. Beləliklə, proses 10 martda başa çatacaq".
O, həmçinin bu il bilet satışında rekorda imza atıldığını söyləyib: "Biletlərimiz satışa çıxan kimi onu almaq üçün xeyli müraciətlər oldu. Biletlərimiz 90 ölkədən alınıb. Top üçlükdə Niderland, Böyük Britaniya və Türkiyə qərarlaşıb".