Azərbaycan millisinin növbəti FİFA reytinqindəki mövqeyi bəlli olub.
Modern.az-ın məlumatına görə, yığmamız aprel reytinqində dünyanın 124-cü komandası olacaq.
Canni de Byazinin yetirmələrinin hesabında 1142,25 xal olacağı dəqiqləşib. Millimiz hesabat dövründə iki matça çıxıb. Komandamız AVRO-2024-ün seçmə mərhələsində Avstriyaya 1:4, İsveçə 0:5 hesabı ilə uduzub.
Bu, millinin 3 pillə geriləməsinə səbəb olub. Niger, Qambiya və Mərkəzi Afrika Respublikası yığmamızı arxada qoyub.
Qeyd edək ki, FİFA reytinqi aprelin 6-da açıqlanacaq.
