İspaniya kubokunun yarımfinalında "Barselona" komandası əzəli rəqibi "Real Madrid"lə qarşılaşıb.
Modern.az xəbər verir ki, “Kamp Nou” stadionunda keçirilən görüş "Kral klubu"nun 4:0 hesablı qələbəsi ilə başa çatıb.
Fransalı hücumçu Kərim Benzema 50, 58 və 81-ci dəqiqələrdə qol vuraraq het-trikə imza atıb. Bu qələbə sayəsində paytaxt təmsilçisi finala adlayıb.
Qeyd edək ki, martın 2-də Madriddə keçirilən ilk yarımfinal oyunu “Barselona”nın 1:0 hesablı qələbəsi ilə yekunlaşmışdı.
