Argentinalı futbolçu Lionel Messi PSJ klubu tərəfindən cəzalandırılmasından sonra komanda yoldaşlarından üzr istəyib.
Modern.az xəbər verir ki, o, bununla bağlı "Instagram"ın hekayə bölməsində paylaşım edib.
Messi Səudiyyə Ərəbistanına getməsini öncədən planlaşdırdığı üçün səfəri ləğv etməsinin mümkün olmadığını diqqətə çatdırıb.
“Həmişə olduğu kimi oyundan sonra bir gün istirahət edəcəyimizi düşündüm. Bu səfəri mən təşkil etmişdim və onu ləğv edə bilməzdim", - o bildirib.
Qeyd edək ki, Messi matçdan sonra icazəsiz Səudiyyə Ərəbistanına getdiyi üçün iki həftəlik komanda ilə məşqlərdən kənarlaşdırılıb.
