Niderland polisi Amsterdamda gecə gəzintisi zamanı kanala düşən italiyalı futbolçu Qabriele Qallaninin ölümü ilə bağlı araşdırmalara başlayıb.
Modern.az xəbər verir ki, bu barədə “ParmaToday” məlumat yayıb.
Bildirilib ki, 24 yaşlı idmançı gecə klublarının yerləşdiyi Kloveniersburqval ərazisində gəzinti zamanı yoldaşlarının arxasınca gedərkən ehtiyatsızlıq nəticəsində kanala düşüb.
Hadisə barədə məlumat daxil olduqdan sonra xilasedicilər, dalğıc və təcili tibbi yardım maşınları əraziyə cəlb olunub. Ağır vəziyyətdə sudan çıxarılan futbolçu xəstəxanaya aparılıb, lakin onun həyatını xilas etmək mümün olmayıb.
