Modern.az

“Aztelekom” dünya çempionatının rəqəmsal sponsorudur

“Aztelekom” dünya çempionatının rəqəmsal sponsorudur

İdman

26 May 2023, 16:56

“Aztelekom” MMC 29 may – 4 iyun tarixlərində Bakıda keçiriləcək taekvondo üzrə Dünya çempionatının rəqəmsal sponsoru qismində çıxış edir. Şirkət sponsorluq çərçivəsində çempionatın keçirildiyi “Bakı Kristal Zalı”nı fiber-optik xətt üzərindən yüksəksürətli internetlə təmin edir.

 

Artıq 26-cı dəfə təşkil olunacaq mundial Ümumdünya Taekvondo Federasiyasının 50 illiyinə təsadüf edir.

 

Ölkəmiz Dünya çempionatının keçirildiyi MDB ölkələri arasında 2-ci və Avropa ölkələri arasında isə Almaniya, Danimarka, İspaniya, Yunanıstan, Rusiya və Böyük Britaniyadan sonra 7-ci ölkə kimi tarixə düşəcək.

 

Yarışlarda dünyanın ən güclü taekvondoçuları 16 çəki dərəcəsində mübarizə aparacaqlar. Çempionata 145 ölkədən minədək idmançı və iki minədək qonağın gələcəyi gözlənilir.

 

Məlumat üçün bildirək ki, “Aztelekom” MMC dövlət-özəl tərəfdaşlıq modeli əsasında bir neçə telekommunikasiya operatorunun birgə səyləri nəticəsində həyata keçirilən “Onlayn Azərbaycan” layihəsinin əsas operatorudur. Layihə çərçivəsində GPON texnologiyası əsasında sürətli və kəsintisiz fiber-optik şəbəkənin qurulması həyata keçirilir.

 

Bu günə qədər 1 milyondan artıq ev təsərrüfatı bu texnologiya əsasında sürətli və kəsintisiz fiber-optik internetlə təmin olunub. Layihənin əsas məqsədi dövlət-özəl tərəfdaşlıq modeli əsasında bir neçə telekommunikasiya operatorunun birgə səyləri nəticəsində 2024-cü ilin sonuna qədər minimum 25 mbit/s internet sürəti ilə bütün ölkəni əhatə edən genişzolaqlı şəbəkə qurmaqdan ibarətdir. “Aztelekom” layihə çərçivəsində sürəti 100 mbit/s-dək internet xidməti təqdim edir.

Youtube
Kanalımıza abunə olmağı unutmayın!
Keçid et
TƏCİLİ! İran çalxalanır- Rəisinin dəfnindən dəhşətli görüntülər