“İnter Mayami”nin argentinalı hücumçusu Lionel Messi vurduğu 10 qolla Liqa Kubokunun bombardiri olub.
Modern.az xəbər verir ki, hücumçu "Neşvill"lə final matçında (1:1, 10:9 pen) oyunun 23-cü dəqiqəsində hesabı açaraq onuncu qolu vurub.
Onun ən yaxın təqibçisi Bonqokul Hlonqvan yeddi qol vurub.
Hücumçu üçün bu kubok karyerasında 44-cü olub. O, tarixin ən titullu futbolçusudur. Messi ilk kubokunu “İnter Mayami” ilə qazanıb və bu, klubun ilk tituludur.
Qeyd edək ki, Messi 2021-ci ilin yayında "Barselona"dan PSJ-yə keçib. 2023-cü ilin yay transfer pəncərəsində argentinalı “İnter Mayami” ilə pulsuz transferlə müqavilə bağlayıb və ilk matçda cərimə zərbəsini vuraraq Amerika klubunda debüt edib.
